TYGERBERG
SECTION – BERGNUUS
December
2001 – January 2002
THE
WEBMASTER HAS BEEN DRINKING AGAIN. THIS IS JUST A DRAFT VERSION (THE SAME AS
THE EMAIL ONE) – WILL TRY TO GET THE REAL ONE UP IN A DAY OR SO...
In this
email we send you an ugly, lean-and-mean version of the contents of this
newsletter. It is in bare text format, without any formatting graphics or
photos, so that everybody can read it and the download time is kept to the
minimum.
If you
are not technologically disadvantaged, rather click on the link above!
INHOUD
- CONTENTS
==========================================
1
ALGEMEEN - GENERAL
2
AFGELOPE AKTIWITEITE - PAST ACTIVITIES
3
KOMENDE AKTIWITEITE - COMING ACTIVITIES
4 ANDER
AFDELINGS SE NUUS - NEWS FROM OTHER SECTIONS
=====================
1
ALGEMEEN - GENERAL
=====================
_______________________________________________________
1.1
JAARVERGADERING 2 MAART!!!!!!!!!!!!!!!!!!!!
DU TOITSKLOOFHUT
-------------------------------------------------------
Ons sit
die tradisie voort met die jaarvergadering Saterdagmiddag om 18:00 gevolg deur
'n gesellige braai. Sondag is daar 'n keuse van staptogte na Elandskloof,
Kromrivier of Du Toitspiek. As gevolg van die gewysigde permitstelsel is getalle
beperk. Skakel dus vroegtydig vir Gerrit Kritzinger om jou plek te
verseker en teleurstelling te voorkom.
Onthou om jul eie braaihout saam te bring.
Ons wil
graag die Kaapse Afdeling behulpsaam wees met die instandhouding van die hut en
het dus 'n werksdag gereël vir Saterdag vanaf 09:00 tot en met die vergadering
om so ons waardering te toon vir die gebruik van die hut. Skakel asseblief vir
Gerrit Kritzinger by 021-9193736 vir besonderhede.
Neem
ook asseblief kennis van die volgende reëlings wat streng nagekom moet word om
te verseker dat ons Afdeling in die toekoms steeds die voorreg kan geniet om
die hut te gebruik. Die hek mag onder
geen omstandighede oopgelaat word nie. Daar mag ook nie oor die heining of die
hek geklim word nie. 'n Nommerslot met nommer 1246 sal vir die naweek
aangebring word sodat lede toegang kan geniet.
SAKELYS
VAN 'N ALGEMENE JAARVERGADERING VAN DIE BKSA, AFDELING TYGERBERG, GEHOU TE WORD OP SATERDAG 2 MAART 2002 OM
18H00 IN DIE DU TOITSKLOOFHUT
1. Verwelkoming.
2. Notule van die vorige vergadering.
3. Sake voortvloeiend.
4. Jaarverslag.
5. Finansiële verslag.
6. Verhoging van ledegeld
7. Verkiesing van 'n voorsitter.
8. Verkiesing van 7 bestuurslede.
9. Algemeen
_______________________________________________________
1.2
Ledegeld 2002
-------------------------------------------------------
Aangesien
ledegeld slegs tydens 'n algemene jaarvergadering verhoog kan word en ons
volgende Algemene Jaarvergadering verskuif is na Maart 2002, kan lede hulle
lidmaatskap vir 2002 teen die huidige tariewe bekom deur te betaal voor die
jaarvergadering in Maart.
Lede
wat na die jaarvergadering betaal, loop die risiko dat die ledegeld verhoog kan
word en hulle sal dan die verhoogde ledegeld moet betaal.
Die
ledegeld is tans soos volg:
Getroude
pare: R100
Enkel
lede: R65
Junior
lede: R20
Voornemende
lede: R40
Die
2002 plakker word aan julle gepos sodra die ledegeld ontvang is.
_______________________________________________________
1.3
Donasies
-------------------------------------------------------
Maretha
Kruger
Niel de
Villiers
Lynette
Smit
Dainty
Meyer
Deryck
Archer
Johan
& Elmien Botha
Pieter
& Marie-Lena de Beer
Ralph
& Glenda Raad
Judith
Phillips
Salmon
Beneke
Dennis
Lange
Christo
Dippenaar
_______________________________________________________
1.4 Nuwe en voornemende lede
-------------------------------------------------------
Welkom
aan ons nuwe lede:
Franclo Henning
Jean Pool
Karel Pretorius
Godfree Gert
En die
voornemende lid: Erica Fourie
_______________________________________________________
1.5 "Voyager Miles"
-------------------------------------------------------
A word
of thanks to all the people who have submitted their Voyager numbers for the
club to benefit from - and this is not to
the detriment of the individual's own Voyager miles accumulation.
At the end of October the club has reached
95% of its minimum target rate of 500 000 and there are another 5 months to go
before the end of the financial year! This is really fantastic.
The
scheme is being run for the members by the members - so thank you to all who
are taking part! The benefits of this year's accumulation will become
operational after March 2002.
========================================
2
AFGELOPE AKTIWITEITE - PAST ACTIVITIES
========================================
_______________________________________________________
2.1 Rotsklim
India Giver -- F2 1
Desember 2001
deur Jeanne Myburgh
-------------------------------------------------------
Die
weerkantoor voorspel van Woensdag af reënweer vir Saterdag, maar gelukkig is
hulle, soos heel dikwels,verkeerd. Barend Nel is die leier en net ek (
Stellenbosch-afdeling ) en Frits ( baie afdelings ) gaan saam. Barend is
verkoue met 'n toe neus en ons voel nie een oordadig energiek nie.
Ons
begin so 08:45 by die kabelstasie en op pad na India Giver beduie Barend vir
ons die India Rubber-roete en sy variasie. Dit gee ons kans om elke nou en dan
te staan en kyk en rus. Nader aan waar ons klim begin, wys Barend ons roete
mooi uit tussen oorhange, kranse van verskillende kleure, 'n oop boek en 'n sny
koek. Dit lyk redelik skrikwekkend, veral as jy nie baie lank is nie, want dis
'n ontsettend stewige strek om bokant die sny koek by te kom. 'n Groepie
langsaan klim Bombay Duck en klim baie bedagsaam 'n detour omdat daar 'n
rooivalkienes met 'n kleintjie in is.
Ons
klim vier trajekte, almal E2 en dit wissel van "sketchy" na
"awkward" na "precarious" en van "finicky" na van
balans af. Die blootstelling is gruwelik of asemrowend, afhangende van wat jou
ingesteldheid is.
Die
laaste trajek wat die kruks is, is F2. Eers klim jy 'n moeilike stukkie, dan is
daar 'n gladde wand met 'n mikro-trapplekkie en aan die ander kant, op die
ander bladsy van die oop boek, het iemand 'n Camalot in 'n skeurtjie gelaat. So
'n Camalot kos nou al R 700, sê David Davies nou die dag. Dit sit al so twee
jaar daar, sê Barend. Ek kan dit goed verstaan, want teen die tyd dat jy daar
kom, sal min mense nog die krag of die inklinasie hê om dit te probeer uithaal,
veral gedagtig aan die beweging wat voorlê.
Barend
strek sy ook-nie-juis-aansienlike lengte, sover hy kan, gryp met albei hande na
die enigste "grip" bokant die sny koek en swaai sy bene op. Nie bra
elegant nie, maar heel funksioneel. Dan neem hy plaas op die rots en sit
goedgunstiglik met sy rotsklimskoenpunt ( al wat ons van hom kan sien ) wat
uitsteek presies waar die vashouplek is. Ons maak dit gelukkig ook en beslis
niks meer elegant as die leier nie.
Ons
klouter verder op, stap oor na die oorkantse krans en abseil. Ons rol die toue
op, eet 'n stukkie, stap af en is teen 14:30 onder. Baie dankie, Barend, vir
nog 'n besondere klim !
_______________________________________________________
2.2 Krakadouw 15 - 19 Desember
2001
deur Yvonne Truter
-------------------------------------------------------
Charlie
se tydsberekening was op-sy-kop, want ons arriveer almal binne die bestek van 'n halfuur by "Tolla se
Garage" in Vanrhynsdorp. Die pad
na Heuningvlei was baie verder as wat ek kon onthou en die noenson het alreeds erg gesteek toe ons oor
die houtleertjie klim om die
voetheuwels aan te durf.
Dwarsdeur
die volgende wonderlike vyf dae het koel briese ons gelaaf en stroompies welkome lekkerwater die gedurige
dorstes geles. Saans teen donker was
die lastige wind koud en veral so tydens die skemerkelkuur die laaste aand bo-op Krakadouw. Wys my 'n meer vermaaklike plek in Afrika vir diè doel!
Boontjieskloof
met sy swemgate - Ek val daar ruensagteroor bene in die lug tussen die diep bosse in vanaf my
wankelrige klip net nadat ek klaar
gekook het. Niemand sien niks nie!
Charlie
loop mos nooit vir baie lank op 'n voetpad nie. So het baie stappers immers deur die jare al woeste tye
saam met hom in ons gebergtes beleef.
Moenie dink diè gewoonte gaan end kry wanneer diè man sy "jare" bereik nie. Aikona! Seun Ryno is,
figuurlik gesproke, ast'ware bo-op die
hoogste rots in die wildernis gebore en gaan nog heelwaaarskynlik ook diep spore trap in die Bergklub en nes sy pa
nog baie siele laat "suffer".
By die
Vuurvliegierots geslaap. Ook onder die Skilpadklip oornag. Voor, tussen en na hierdie oornagplekke het ons
geboendoebêsh vir die vale.
Ai, die
Sederbergse natuurskoon, potsierlike grys rotsformasies, plantegroei en vér vergesigte gryp mens aan
die hart. Al krap al die goeters jou flenters en het mens 'n ewige vrees vir
slange.
Uiteindelik!
Ons praat maar liefs nie van die geswoeg nie, het ons (op die vierde dag) vir Krakadouwpiek met sy
manjifieke oorhang-nagplek bereik. Ons
het ons nie verniet half katswink gedra aan water nie. Daarbo was nêrens 'n druppel nie. Ek hou nogal beter
rigting in die berge as in 'n stad,
maar op die Krakadouw met sy drie eenders geleë bakens en honderde rotsgange gooi ek handdoek in en
loop al in Charlie se skaduwee nes 'n
skoothondjie. Was al drie keer daarbo en nog steeds het ek nie 'n "clue" nie.
Bo-op
diè wonderlike berg raak 'n mens net weer bewus van jou "niksheid" en verganklikheid.
Ge-ykte woorde, ja, maar wat is 'n leeftyd
van 70/80/90/ jare as mens jou die honderde-miljoene jare probeer voorstel wat verby gegaan het met die
vorming van diè verbysterende formasies
en diep gange. Water, wind, hitte en koue? Verstommend!
Toe
Charlie aankondig "mense ons verlaat nou die berg...." stort ek 'n traan of tien.
Wil
weer soontoe...maar net saam met Charlie....want Charlie verdwaalie.
_______________________________________________________
2.3 Jan du Toitskloof: 19 - 20 Januarie 2002
deur Glaudina Van Dyk
-------------------------------------------------------
Gelukkig
het Altus besluit dat dit te veel moeite is om met net 4 mense tot by die
touleer te stap. Toe kon ons rustig kuier van poel tot poel. Dit het onlangs
goed gereën en die rivier is lekker vol. Daarom kon ons ongelukkig ook nie by
die glybaan by die oorhangkrans afgly nie, want die water loop te sterk. (Nou
is my swembroek darem nog heel!)
Sondagoggend
het ons eers springmielies geskiet. Daarna is ons in 'n syklofie oorkant die
Oorhangrots op om te gaan Nuwejaarsblomme kyk; hulle was ongelukkig uitgeblom.
Ons het egter laer af in die kloof 5 baie mooi pienk disas gesien om oor te
"oe en aa" en foto's te neem.
Ongevalle:
Renier het sy skeen lelik gestamp teen 'n klip. Toe ons bekommerd is oor dit so
baie bloei, vra hy ewe kalm vir Dainty: "Hoe lank voor ek leeg is?"
_______________________________________________________
2.4 Palmietrivier 27 Januarie 2002
deur Angelique
van Niekerk
-------------------------------------------------------
Daar
was mos vroeër 'n versoek van party klublede dat daar ook meer stappe op ons
program moet wees om vir die lede wat nie die meer uitdagende stappe kan
behartig nie, voorsiening te maak. Wel, hier was nou so 'n stappie. (Dit was nie 'n uittog nie!) Al het die stap nie
soveel uitdaging gebied nie, was die natuur net so mooi, die geselskap lekker
en die leier net so goed.
Dit
was, wat natuur betref, eintlik 'n besonderse stap, want dit was in die
Kogelberg Natuurarea waar vir etlike jare geen toegang vir die publiek was nie.
Nou word die dam nie meer daar gebou nie en mag ons plêbs ook die besonderse
plantegroei en natuurskoon van die gebied geniet en bewonder. Ons het toe ook van
die plante, wat slegs in die gebied groei, gesien. Hierdie plante was een van
die redes waaroor so teen die bou van die dam geskop is.
Ons het
heerlik in die Palmietrivier geswem en gehang. Die son was maar goed warm en
die water 'n lafenis. Dit is ook in hierdie stukkie rivier waar nou ook met
kano's "white river rafting" toegelaat word.
Dit was
in totaal 'n dag vol kos vir die siel en liggaam.
_______________________________________________________
2.5 Slanghoek Afgronde 2-3 Februarie 2002
deur Dainty
Meyer
-------------------------------------------------------
'n
Subjektiewe belewenis van die Bainskloof na Slanghoekafgronde-stap, of te wel
"The Hobbit en 'n Rooi Indiaan in Barcelona".
Die
beskrywing het gelui: Bain's Kloof na
Slanghoekafgronde. Gelei deur Gerrit
van Zyl. My vermoede van 'n rustige
stap word verder deur Gerrit bevestig:
"Dit is eintlik 'n baie vervelige stap, al langs die Jeep track
af", maak hy verskoning. "Ons
kamp onder en stap sonder die sakke op na Slanghoekafgronde." Dit pas my soos 'n handskoen.
Die
oggend breek gul en helder aan met Gerrit siek in die bed. 'n
Navigasie-komitee, bestaande uit Divvie en Truida word op die been
gebring. Altus lei die stap met
geesdrif, sy getroue GPS en die ondersteuning van die komitee.
Ons
sweet en swem, sweet en swem die steiltes uit.
Dit herinner Divvie aan 'n vorige tog:
"Ek is soos 'n paddavis die steilte bo die afgrond uit. Ek klou so aan die polle dat ek daai berg
skoon bles pluk!"
Nes
word geskop om 'n groot rotsblok 'n katspoegie van die afgronde af. Sundowners word soos dit betaam genuttig,
terwyl die heks van Heksrivier se profiel bewonder word.
Sondagoggend
is dit al langs die waterval op, oor die klipplate. Die flambojante rooi
"Skeerkwasse" (blomme) inspireer Johan Benkenstein tot blink oë en
laterale denke. Erica sê niks, sy stap
lekker. By die afgronde aangekom,
verlaat alle rede die outeur van hierdie skrywe. Daar is vae herinneringe van nader skuiwe aan die kant plat op
die maag, 'n gil of twee of drie uit die murg toe Altus so naderstaan met die
kamera: "Moenie aan my vat nie!
Moenie aan my vat nie!" Claude het
bedaard iets genoem van soos 'n geitjie aan die rots vassuig met die
afkyk. Ek verneem dat die res van die
geselskap waardering vir die grootsheid gehad het. Altus en sy bittereinders het daarna die piek aangedurf terwyl
die geselsers en Kobus met sy twee jong ribbokke die aftog geblaas het.
Na 'n
letterlike slang in die gras, luilekker middagete by 'n poel soos uit 'n
storieboek is daar weer swem-swem en sweet-sweet terug gestap. Die Amstel by die Bainskloof Lodge word met
flair bedien deur die drag show-ster wat moonlight as kelnerin. Die The Hobbit en 'n Rooi Indiaan in
Barcelona? Vat volgende keer 'n 1991
Fair View saam vir sundowners en laat Divvie jou vertel.
(Ek sal
maar bysit waar Dainty uitge"chicken" het. Die stap na Slanghoekpiek was die moeite werd! Daar is ongelooflike mooi uitsigte oor die
Breëriviervallei, die mooiste rooiste Disas langs talle stroompies, ook die
"Klein Afgrond" wat ek verkeerdelik in 1997 as die "Groot
Afgrond" leer ken het. Bo-op
Slanghoekpiek het ons verwonderd rondgeloer, foto's geneem - bewyse vir later -
en in die droogte-skaduweetjie van die radio-huisie iets geknibbel. En later die ander verbygesteek waar hulle
luilekker langs 'n poel gekuier het.
-Altus)
===========================================
3
KOMENDE AKTIWITEITE - FUTURE ACTIVITIES
===========================================
______________________________________________
3.1
Tafelberg rotsklim - Saterdag 23 Feb. 2002
- deur Franclo Henning
----------------------------------------------
Betowerend.
Dis waarskynlik die beste woord om Tafelberg te beskryf. As jy al vergeet het
watter stukkie wildernis-paradys hier in ons agterplaas is of jy het nog nooit
die voorreg gehad om op 'n rotslysie te sit en oor Kampsbaai uit te kyk met die
geklingel van karabiners in die agtergrond nie, is hierdie dag vir jou.
Of jy
kans sien vir iets soos Arrow Final(E2/E3), iets meer uitdagends soos Jacob's
Ladder(F3) of selfs iets soos Roulette(G2/20) of Touch and Go(G2/20), kom saam
en ervaar Tafelberg op sy beste terwyl die weer dit nog toelaat. Jy sal nie
spyt wees nie! Skakel my by 975 6038 (H) of
082 8726617 (sel). Onthou: Dis "multi-pitch" klimme, so die
aantal plekke is beperk.
______________________________________________
3.2
Opleiding naweek, 16 en 17 Februarie 2002
- deur Claude Steenkamp
----------------------------------------------
Die
Opleidingskomitee van Afdeling Kaapstad bied 'n naweek van opleiding, vir lede,
leiers en enigeen wie belangstel om hul berg-ervarings veiliger te maak te
Agtertafelberg hut. Items soos berg-ervaring, kos, toerusting, toegang en
omgewingskennis sal bespreek word. Kontak Claude vir verdere besonderhede.
______________________________________________
3.3
Diens by Maclear se Baken - 24 Februarie 2002
- deur Yvonne Truter
----------------------------------------------
As jy
belangstel om dié besonderse kerkdiens bo-op Tafelberg by te woon, skakel my by
913 1938.
Ons
maak dit 'n stesvrye en gemoedelike dag wat almal altyd baie geniet. Ons sal dalk weer die Skeleton Gorge roete
kies net om die boskoelte te ervaar en vroeg vertrek sodat ons die oggend kan
geniet. Die diens begin eers om 12:00.
______________________________________________
3.4 Du
Toitspiek/Kromrivier Sondag 3 Maart 2002
----------------------------------------------
As jy
nog nie op Du Toitspiek gestaan en wonder het wat jy daar doen nie, kan daar
gewonder word op Sondag 3 Maart 2002. Dit is die dag na die Jaarvergadering, as
jy al klaar vergeet het. Daar sal ook geswem word by die Kromrivier waterval.
Kom gerus na die Jaarvergadering en moet nie bang wees om 'n job te kry nie,
want daar is nog nie 'n dienende komiteelid dood op die job nie.
______________________________________________
3.5
Perry's Refuge - 21 Maart 2002
- deur Altus de
Wet
----------------------------------------------
'n
Grootse berg-ervaring: Ons volg 'n
roete deur van die mooiste en mees afgeleë dele van die Heksrivierberge. Die eerste aand slaap ons by Thomas Hut,
trek dan na "Perry's Refuge" oor Fonteintjiesberg. Die "refuge" is 'n
aluminiumstruktuurtjie soos 'n klein tent; en is soos die naam sê, bloot 'n
skuiling. Die volgende dag stap ons via
'n lang dwarsstap redelik rustig na die Univ. Kaapstad Ski-hutte waar ons
oorslaap. Die Sondag (rusdag) stap ons
af (so 1000m) tot in die Breëriviervallei waar ons (hopelik) opgelaai sal
word. Groepgrootte beperk tot 8. Daar is niks moeilik nie, geen afgronde ens. Dis bloot AANHOU. Genoeg tyd vir rondkyk en vergaap. Sien jou daar.
______________________________________________
3.6
Rock Climb on Table Mountain - 6 April
2002
by Raymond Jonker
----------------------------------------------
I
received a call to-night (4th February) from Angelique van Niekerk, asking me
to write something about the rock climb I will be leading in April, in an
effort to drum up enthusiasm amongst our members. I tried to explain that this was not necessary, as we have a
small, but dedicated group of climbers, who come along on every climb that
Barend and I lead. But to no avail - hence this article.
I am
not going to appeal to our members at large, but will direct my attention to
just two people. The first is Gerrit
Kritzinger.
I have
been a member of the Club for the past 15 years. During all this time Gerrit has expressed a mild interest in rock
climbing, and I have continuously invited him - to no avail. I would just like to say to Gerrit, that as
this is possibly the last year in which I will lead climbs, if he doesn't climb
with me now, he never will.
The
second appeal is to Altus de Wet. Now
Altus is an all-round nice guy, and an outstanding hiker and leader, but he has
never been on a rock climb. I have
invited him on numerous occasions, but also to no avail. I would just like to say to Altus that a
rock climb will add an entirely different dimension to his experience of the
mountains, and can only benefit him in his role as hike leader.
______________________________________________
3.7
Elandsrivier Saterdag 6 April 2002
----------------------------------------------
Nog 'n
maklike stap te Elandsrivier sal plaasvind op Saterdag 6 April 2002. Daar sal
geswem, gebak in die son en geëet word. Kom vergaap jou aan die mooi waterval
en poel.
______________________________________________
3.8
Wemmershoekpiek 13-14 April 2002
- deur Altus de Wet
----------------------------------------------
'n Piek
waarvandaan jy alles kan sien. Ons stap
die Vrydagaand na Agtertafelberghut (so 2-3 uur). Saterdag klim ons die piek.
'n Groot deel van die roete volg 'n voetpad. Die uitsig is regtig indrukwekkend. Tafelberg, Paarl, Simonsberg en Wemmershoekdam word speelgoed op
'n klein Kaap. Dalk stap ons met 'n
ander roete terug. Sondag kan ons in
Holsloot (Stettynskloof se kant) gaan afloer voor ons huis toe draai. Tot 12 persone kan gaan. 'n Redelik
"aanhoudende" stappie; maar erg mooi.
______________________________________________
3.9
Jonkershoek Pieke - 20 April 2002
- deur
Johann Benkenstein
----------------------------------------------
Wat die
Pieke in Jonkershoek besonders maak, is die ongelooflike uitsig van bo-oor
Stellenbosch en die Skiereiland.
Die
roete is matig moeilik en stappers moet redelik fiks wees. Enigeen met hoogtevrees moet ook liewer nie
meedoen nie.
Ons sal
die oggend ongeveer 08:00 in Jonkershoek ontmoet en sal ongeveer 17:00 weer by
die motors wees.
Diegene
wat nog nie die Pieke oorwin het nie, moet nie hierdie geleentheid laat verby
gaan nie. Kontak asb. vir Johann
Benkenstein vir nadere besonderhede by tel. 919 3654 (h) of 421 0116 (w).
______________________________________________
3.10
Sportklim te Peer's Cave - 04 Mei 2002
-deur Godfree Gert
----------------------------------------------
Sportklim
te Peer's Cave
Datum:
04 Mei 2002
Beginners
welkom
______________________________________________
3.11
Agtertafelberghut - 4 en 5 Mei 2002
----------------------------------------------
Agtertafelberghut
en sundowners gaan saam. Kom meng die twee op 4 en 5 Mei 2002. Vir die meer
energieke sal daar ook gekyk word na een van die pieke daar naby, met 'n
verkyker as jy wil. Hierdie is een van die beste berghutte om in te slaap en te
snork. Kom saam.
______________________________________________
3.12
Grootkop - Saterdag 18 Mei 2002
----------------------------------------------
In die
maand van Mei gaan daar heelwat reën wees en die dagstap op Saterdag 18 Mei
2002, na Duiwelskloof, te Pniel word vir veiligheidsredes vervang met 'n stap
na Grootkop, Tafelberg vanaf Constantianek en via Orangekloof.
====================================================
4 ANDER
AFDELINGS SE NUUS - NEWS FROM OTHER SECTIONS
====================================================
___________________________________________________
4.1
Cape Town Section
---------------------------------------------------
CLUB'S
MT RESCUE BACK TO BASICS
---------------------------------
Mountain
Rescue's withdrawal from the Wilderness Search and Rescue (WSAR) resulted in a
fairly acrimonious public exchange or views, which - given that MCSA members
are involved with WSAR as well - was disappointing. It now appears, thankfully,
that these exchanges have ended and the Mountain Rescue can get back to doing
what it always has: operating as a private volunteer group specializing in the
rescue of people endangered in the mountains.
The
decision to withdraw from WSAR was largely the result of Mountain Rescue's
inability to have a meaningful say in how WSAR was structured and operated,
said Nico van Gijsen, convenor for Mountain Rescue. The MCSA group felt it was
being sidelined and that its role in mountain rescue situations would be
diminished, he added. He said that the Mountain Rescue team was functioning as
well as or even better than ever; it had recently undertaken an intensive
training exercise in the Cederberg.
NUWE
BOEKE IN DIE BIBLIOTEEK
----------------------------
Die
Kaapse Afdeling het 'n paar nuwe boeke aangeskaf vir hulle biblioteek. Hierdie
boeke word aan lede uitgeleen by hulle klubhuis in Hatfieldstraat.
Nuwe
boeke:
The
mountains of my life
Walter Bonatti
True
summit David
Roberts
The
wildest dream Peter
and Leni Gillman
30
Years of climbing magazine
Mountain
men Mick
Confrey and Tim Jordan
K2: One
woman's quest for the summit Heide
Howkins
FRIDAY
EVENING SOCIALS
-----------------------
Clubhouse
opens at 7.30pm. - Show starts at 8.30
Sale
night: Friday 1 March, 7pm - 8.15
A
chance to sell or exchange your produce or gear.
1
Spantik 7082m - Karakoram: John Brimble. An expedition undertaken in
August/September 2001.
8 March
Rhodes and Crete
15
Saint Helena
22
Beyond Gravity